زحمـة الشـوق

موضوع: زحمـة الشـوق الثلاثاء يناير 11, 2011 7:11 am

زحمـة الشـوق

يمكن يضيع القلب في زحمـة الشـوق
وأكبر مصيبة ضيعة إنسـان مشتـاق

أتوه في وصله و لـو دربنـا عـوق
و أنثر مشاعر حيرتـي فـوق الأوراق

هـذا بعـد طوقتنـي بالهـوى طـوق
و خليتني ما بين حزنـي و الأشـواق

وعيني من أسباب الجفا تمطر المـوق
لا خيًلـت بسمـاك راعـد و بــراًق

و القلب كنًه بين الأضـلاع مسـروق
بأسباب هجر اللـي تربـى بالأعمـاق

إنسـان بديتـه علـى كـل مخلـوق
و أصبحت أنا ويًـاه بالحـب عشًـاق

أستوطـن بذاتـي وأداريـه بشفـوق
و لأجله سهرت الليل و الدمـع دفًـاق

طفلٍ على سلـب المعاليـق مطفـوق
حاشا ورب البيـت مـا هـو بسـرًاق

الوقت تمضي ساعته هـون و رفـوق
و أشوف طبع الوقت خائـن و بـوًاق

يا ليل باقي لي مـع الغائـب حقـوق
و أخذت أنـا ويًـاه عهـدٍ و ميثـاق

يا ليل شفت سماه لاحت بهـا بـروق
يا ليت تمطر وصل مـا ودًنـا فـراق

يا ليل حزني في شراييـن و عـروق
و ضاقت بي الدنيا وسيعـات الأفـاق

متى يحل وصال عاشـق و معشـوق
مليت مـن بُعـده و يبسـنْ الأريـاق

ليته يجيني كامـل الحسـن و الـذوق
و نترك زمان اللي هوى قصف الأعناق

يا ليل قلًـه عاشقـك ذابحـه شـوق
و يقضـي لياليـه العنيـدة بالإرهـاق

وقلًه بعد من بسمـة العمـر معتـوق
و يونًسه في غيبتك طيـف الأشـواق

كلمات روعه يسلمو خيتو
تقبلي مروري

الله يسلمك يا الغلا

مشكووره ع المرور

لاشكر على واجب يا حلوه